Semana 11


Ola a todas/os,

Déixovos aquí o traballo para esta semana:

1.     A semana pasada tivestes que facer os exercicios 3, 4, 6 e 9 da páxina 139 sobre vocabulario. Pois ben, agora é o momento de que os corrixades. Tedes o solucionario neste enlace:
https://drive.google.com/file/d/1TLIkjJcYweJTxJjRkgswNRzlvcVyABQU/view?usp=sharing

Xa sabedes que se a alguén non lle funciona o enlace, pode escribirme por correo e mándollo directamente por aí. No solucionario están todos os exercicios da páxina 139 pero debedes buscar unicamente os que tiñades que facer vós.
Teredes que sacar unha fotografía aos exercicios corrixidos para que comprobe que vos parastes a facer isto.

2.     Os pronomes: imos avanzar un pouco a materia de gramática e centrarémonos esta semana nos pronomes persoais átonos (recórdovos que xa vimos os tónicos ao principio do confinamento). Tedes toda a teoría entre as páxinas 140-142.
Como fixen co xénero lírico, déixovos un podcast que vos gravei e que é preciso que escoitedes para entender ben estes contidos:
https://drive.google.com/file/d/1TNb4b_-jtBON8wNcUkDfOJgldUKU3lVZ/view?usp=sharing

Como digo no podcast, debedes facer os exercicios 2, 3, 4, 5, 6, 7, 8, 9 e 11 desas páxinas (140-142) (no podcast explico cada un dos exercicios e fago o primeiro exemplo de cada un, así que prestade atención).

Como isto xa vos vai levar bastante tempo (necesitades escoitar o podcast con calma e despois facer os exercicios), non teredes que entregar vídeo nin redacción esta semana. Pero tedes que pararvos con isto e intentar facelo ben. Debedes enviarme unha foto dos exercicios feitos no caderno.

RESUMO DO QUE ME TEDES QUE ENVIAR POR CORREO:
-       Fotografías do caderno de:
o   Corrección dos exercicios de vocabulario (p. 139 exs.: 3, 4, 6 e 9)
o   Exercicios dos pronomes (p. 140-142 exs.: 2, 3, 4, 5, 6, 7, 8, 9 e 11)

OLLO: A DATA LÍMITE DE ENTREGA É O VENRES 5 DE XUÑO, xa sabedes que non vou corrixir nada que se entregue fóra de prazo.

Apertas e ánimo, que xa estamos a piques de rematar,
Tamara

Comentarios

Publicar un comentario

Entradas populares de este blog

Semana 7

Ola a todas/os, Déixovos aquí o traballo para esta semana: 1.      Esta semana imos comezar un novo apartado da materia, que ten que ver co xénero lírico. Lémbrovos que xa vimos detalladamente todos os elementos da narrativa e agora tócanos traballar coa poesía. Para isto, o primeiro e fundamental é que escoitedes ben este podcast que gravei para vós, coa explicación de todo o que aparece nas páxinas 126 e 127 . Déixovos o enlace e se alguén non pode escoitalo porque non lle funciona o enlace, que me escriba por correo: https://drive.google.com/file/d/13WICtaBd9v3Grz3eSoaKankWEZEXe5Ea/view?usp=sharing   Repito: é moi importante que o escoitedes , tomádeo como se se tratase dunha clase por videoconferencia (como explico no podcast, non estou facendo isto, polo menos de momento, porque hai persoas que non teñen a opción de conectarse e quero que todo o mundo poida ter acceso a toda a información). Unha vez escoitastes iso, facede os exercicios 3, 5, 6, 7 e 10 das pá
Leer más

Semana 8

Imagen
Ola a todas/os, Déixovos aquí o traballo para esta semana: 1.      Ao principio da corentena, mandeivos facer uns exercicios sobre os pronomes (das páxinas 122-123, as actividades 1, 2, 6 e 9 ). Non vos deixara as solucións porque confiaba en volver á clase e podermos corrixilos alí pero en vista de que isto non vai ser posible, déixovos nesta entrada o solucionario (están todos os exercicios das páxinas, tedes que buscar unicamente as solucións dos catro exercicios que vos pedín). Se alguén non os ten feitos, que os faga antes de corrixilos. Este é o enlace: https://drive.google.com/file/d/1MQJI7QA9ezWAq8-Hb2kL7q5W82qTvc2x/view?usp=sharing Deberedes mandarme fotos destes exercicios feitos no caderno e corrixidos. 2.      Seguimos coas correccións. Agora toca corrixir tamén os exercicios da semana pasada sobre o xénero lírico (recordo: 3, 5, 6, 7 e 10 das páxinas 126-127 ). Tamén me teredes que mandar unha foto na que se vexa que corrixistes os exercicios. Déixovos
Leer más

Última semana

Ola a todas/os, Agora si que chegamos ao remate do curso. Esta é xa a última semana e por iso unicamente vos vou pedir que cubrades a enquisa que vos deixo no enlace, para que valoredes o que vos pareceu este curso comigo. Faise en cinco minutos. Podedes cubrila a ordenador e enviarme ese documento ou imprimila e cubrila á man e mandarme unha foto. Este é o enlace: https://drive.google.com/file/d/1gy1avhNkClhRouv29TDlQSF1L1CyHn98/view?usp=sharing OLLO: A DATA LÍMITE DE ENTREGA É O XOVES 18 DE XUÑO . Ademais disto, chegou o momento de despedirnos. Dáme moitísima pena non poder facelo en persoa pero, para intentar que sexa un pouco máis de verdade, propóñovos que fagamos unha pequena videochamada a semana que vén. Para os de 1ºA xa temos posta a titoría o luns ás 20:30h, coma sempre. Para os de 1ºB e 1ºC farei unha videochamada conxunta e mandarei unha notificación por Abalar para informarvos do día e a hora. Loxicamente, non é obrigatorio asistir, pero estarei espe
Leer más