Última semana


Ola a todas/os,

Agora si que chegamos ao remate do curso. Esta é xa a última semana e por iso unicamente vos vou pedir que cubrades a enquisa que vos deixo no enlace, para que valoredes o que vos pareceu este curso comigo. Faise en cinco minutos. Podedes cubrila a ordenador e enviarme ese documento ou imprimila e cubrila á man e mandarme unha foto. Este é o enlace:

https://drive.google.com/file/d/1gy1avhNkClhRouv29TDlQSF1L1CyHn98/view?usp=sharing

OLLO: A DATA LÍMITE DE ENTREGA É O XOVES 18 DE XUÑO.

Ademais disto, chegou o momento de despedirnos. Dáme moitísima pena non poder facelo en persoa pero, para intentar que sexa un pouco máis de verdade, propóñovos que fagamos unha pequena videochamada a semana que vén.

Para os de 1ºA xa temos posta a titoría o luns ás 20:30h, coma sempre. Para os de 1ºB e 1ºC farei unha videochamada conxunta e mandarei unha notificación por Abalar para informarvos do día e a hora. Loxicamente, non é obrigatorio asistir, pero estarei esperando a todas/os as/os que queirades que nos vexamos para despedirnos.

Para os que non queirades ou non vaiades poder conectarvos, quero dicirvos que foi un pracer darvos clase, que pasei moi bos momentos con todas e todos vós e que foi unha gran pena que tivésemos que pasar así o terceiro trimestre. Deséxovos moita sorte para todos os anos que vos esperan no instituto. Oxalá puidese volver darvos clase, pero iso non vai poder ser, xa que o ano que vén xa non estarei en Bertamiráns. Aínda así, tedes o meu correo e poderedes escribirme sempre que queirades e para o que queirades, pasen os anos que pasen. Eu estarei encantada de lervos.     

Unha aperta enorme,
Tamara

Comentarios

Publicar un comentario

Entradas populares de este blog

Semana 7

Ola a todas/os, Déixovos aquí o traballo para esta semana: 1.      Esta semana imos comezar un novo apartado da materia, que ten que ver co xénero lírico. Lémbrovos que xa vimos detalladamente todos os elementos da narrativa e agora tócanos traballar coa poesía. Para isto, o primeiro e fundamental é que escoitedes ben este podcast que gravei para vós, coa explicación de todo o que aparece nas páxinas 126 e 127 . Déixovos o enlace e se alguén non pode escoitalo porque non lle funciona o enlace, que me escriba por correo: https://drive.google.com/file/d/13WICtaBd9v3Grz3eSoaKankWEZEXe5Ea/view?usp=sharing   Repito: é moi importante que o escoitedes , tomádeo como se se tratase dunha clase por videoconferencia (como explico no podcast, non estou facendo isto, polo menos de momento, porque hai persoas que non teñen a opción de conectarse e quero que todo o mundo poida ter acceso a toda a información). Unha vez escoitastes iso, facede os exercicios 3, 5, 6, 7 e 10 das pá
Leer más

Semana 8

Imagen
Ola a todas/os, Déixovos aquí o traballo para esta semana: 1.      Ao principio da corentena, mandeivos facer uns exercicios sobre os pronomes (das páxinas 122-123, as actividades 1, 2, 6 e 9 ). Non vos deixara as solucións porque confiaba en volver á clase e podermos corrixilos alí pero en vista de que isto non vai ser posible, déixovos nesta entrada o solucionario (están todos os exercicios das páxinas, tedes que buscar unicamente as solucións dos catro exercicios que vos pedín). Se alguén non os ten feitos, que os faga antes de corrixilos. Este é o enlace: https://drive.google.com/file/d/1MQJI7QA9ezWAq8-Hb2kL7q5W82qTvc2x/view?usp=sharing Deberedes mandarme fotos destes exercicios feitos no caderno e corrixidos. 2.      Seguimos coas correccións. Agora toca corrixir tamén os exercicios da semana pasada sobre o xénero lírico (recordo: 3, 5, 6, 7 e 10 das páxinas 126-127 ). Tamén me teredes que mandar unha foto na que se vexa que corrixistes os exercicios. Déixovos
Leer más