Semana 8
Ola a todas/os,
Déixovos aquí o traballo para
esta semana:
1.
Ao principio da corentena, mandeivos facer uns exercicios sobre os pronomes (das páxinas 122-123, as actividades 1, 2, 6 e 9). Non vos deixara as
solucións porque confiaba en volver á clase e podermos corrixilos alí pero en
vista de que isto non vai ser posible, déixovos nesta entrada o solucionario (están todos os exercicios
das páxinas, tedes que buscar unicamente as solucións dos catro exercicios que
vos pedín). Se alguén non os ten feitos, que os faga antes de corrixilos. Este
é o enlace:
Deberedes mandarme fotos destes exercicios feitos no
caderno e corrixidos.
2.
Seguimos coas correccións. Agora toca corrixir tamén os exercicios da semana
pasada sobre o xénero lírico
(recordo: 3, 5, 6, 7 e 10 das páxinas
126-127). Tamén me teredes que mandar unha foto na que se vexa que corrixistes os exercicios. Déixovos o
enlace co solucionario (mirade só os
exercicios que vos pedín, xa que aí están todos os das páxinas):
3.
Para rematar coas correccións, debedes corrixir tamén a actividade dos nexos e mandarme unha foto. Este é o enlace para estas
solucións:
4.
Traballo para entregar: como sabedes, o 17 de maio (o
próximo domingo) é o día das Letras Galegas e, por suposto, a tarefa para
entregar esta semana vaise centrar nesta celebración. Este ano, dedícanselle as
Letras Galegas a Ricardo Carvalho Calero e a actividade que vos propoñemos
dende o departamento de Lingua Galega ten que ver con esta importante figura da
nosa literatura. Este pequeno traballo consta de dúas partes:
a.
Deberedes sacar unha foto nunha ventá
(sen dúbida, un lugar simbólico do confinamento), para expresar a necesidade de
luz e de comunicación co exterior. Enviarédesme esta foto por correo. Os requisitos da foto son:
i. Debe ser nunha ventá
ii. Debe aparecer na foto este
verso de Carvalho Calero:
“O azul cravado ao
alto con mil cravos de ouro”
Podedes saír vós na foto ou non pero é importante que a
imaxe recolla o verso dun modo claro, relacionado co valor simbólico que ten a
ventá para vós. Este verso pode estar integrado na fotografía da forma que vós
queirades (cun cartel, cunhas letras pintadas ou pegadas no cristal, cunha
tatuaxe pintada nun brazo etc.). Dádelle renda libre á imaxinación e á
creatividade!
b.
Ademais da foto, deberedes ler o
conto de Carvalho Calero titulado “As pitas baixo a chuvia” (déixovolo
neste enlace: https://drive.google.com/file/d/1h31yq3OnilEMJYa2g4D6n-2zPr68MRvd/view?usp=sharing
).
A partir deste relato, deberedes escribir a ordenador (Word ou Libre Office) outro relato semellante,
no que contedes unha anécdota real ou
imaxinaria que vos ocorrese coa vosa mascota, que tamén pode ser inventada.
Recordade, un relato sempre debe ter presentación, nó e desenlace. Sede creativas/os e pensade en historias entretidas e divertidas.
IMPORTANTE: debedes aplicar o que traballamos
de expresión escrita:
·
División en parágrafos
·
Signos de puntuación
·
Emprego de nexos: este aspecto vai ser fundamental na avaliación do conto.
Revisade eses tres
aspectos cando rematedes de escribir o conto e modificade o que consideredes
oportuno.
Extensión: 7-10
liñas (cunha letra Times New Roman tamaño 12). Se a letra é máis grande, esta
extensión non será suficiente.
Este conto deberá estar feito en Word
ou Libre Office (nunca á man).
RESUMO DO QUE ME TEDES QUE ENVIAR POR CORREO:
-
Fotografía coas correccións de:
o
Exercicios dos pronomes
o
Exercicios do xénero lírico
o
Actividade dos nexos.
-
Fotografía creativa na ventá co
verso “o azul cravado ao alto con mil cravos de ouro”.
-
Texto escrito en Word ou Libre
Office: o pequeno conto coa anécdota
da mascota.
OLLO: A DATA LÍMITE DE ENTREGA É O VENRES 15 DE MAIO, xa sabedes que non vou
corrixir nada que se entregue fóra de prazo.
Para rematar, déixovos un vídeo
que fixeron dende o IES de Arzúa sobre Carvalho Calero, para aquelas e aqueles
que queirades saber un pouco máis sobre o autor homenaxeado este ano nas Letras
Galegas:
Un saúdo e unha aperta,
Tamara
Comentarios
Publicar un comentario