Semana 7
Ola a todas/os,
Déixovos aquí o traballo para
esta semana:
1.
Esta semana imos comezar un novo apartado da materia, que ten que ver co
xénero lírico. Lémbrovos que xa vimos detalladamente todos os elementos da
narrativa e agora tócanos traballar coa poesía. Para isto, o primeiro e
fundamental é que escoitedes ben este podcast
que gravei para vós, coa explicación de todo o que aparece nas páxinas 126 e 127. Déixovos o enlace e se alguén non pode escoitalo porque non lle funciona o enlace, que me escriba
por correo:
Repito: é moi
importante que o escoitedes, tomádeo como se se tratase dunha clase por
videoconferencia (como explico no podcast, non estou facendo isto, polo menos
de momento, porque hai persoas que non teñen a opción de conectarse e quero que
todo o mundo poida ter acceso a toda a información).
Unha vez escoitastes iso, facede os exercicios 3, 5, 6, 7 e 10 das páxinas 126-127 (no podcast dou
indicacións e fago aclaracións sobre estes exercicios, explicando certas cousas
que quizais non entendades).
No correo desta semana, teredes que mandarme fotos destes exercicios feitos no
caderno. A semana que vén subirei as solucións.
2.
Como actividade para entregar esta
semana (polo tanto, como sabedes, feita en Word ou Libre Office e nunca á man) debedes
crear un poema coas seguintes
consignas:
·
Debe ter polo menos 8 versos
·
Debe ter polo menos dúas estrofas
·
Deberá haber unha metáfora
·
Despois do poema, debedes escribir nese mesmo documento unha pequena
reflexión na que incluades:
o
Canto mide cada verso do poema
o
Cal é a metáfora que incluístes no poema
3.
Expresión escrita: agora tócanos traballar o uso
dos nexos. Recórdovos que tedes unha fotocopia
do 1º trimestre que se chama “técnicas de redacción” e que aí tedes unha
listaxe de nexos que podedes empregar nos vosos textos. Para quen non teña a
fotocopia, déixoa tamén neste enlace:
Revisade ben eses nexos, asegurádevos que entendedes o
seu significado.
A continuación, facede a actividade que se propón na
ficha que vos deixo nestoutro enlace: https://drive.google.com/file/d/1P6LMduUgelb_ihmqcvpqOP58MhUKNrzt/view?usp=sharing
Trátase de que completedes ese conto
cos nexos que aparecen na segunda folla. Facédeo no caderno; chega con que
copiedes os nexos ben ordenados e seguidos do principio da oración na que lles
corresponde ir (non é necesario que copiedes todo o texto, loxicamente).
Deberedes mandarme tamén unha foto disto.
Recordo o que dixen antes: se non vos vai algún dos enlaces que deixo aquí, escribídeme por correo.
Recordo o que dixen antes: se non vos vai algún dos enlaces que deixo aquí, escribídeme por correo.
RESUMO DO QUE ME TEDES QUE ENVIAR POR CORREO:
-
Fotografía cos exercicios das páxinas 126-127
-
Fotografía da actividade dos nexos (completar o texto cos nexos propostos)
-
Documento escrito a ordenador co voso poema e a pequena reflexión sobre el
A DATA LÍMITE DE ENTREGA É O VENRES 8 DE MAIO, xa sabedes que non vou
corrixir nada que se entregue fóra de prazo.
Un saúdo e unha aperta,
Tamara
Grazas Tamara. Braulio 1ºB
ResponderEliminar