Semana 9


Ola a todas/os,

Como esta semana son festivos no instituto xoves e venres e, polo tanto, coa maioría de vós só tería dúas clases, apenas vou mandar traballo, xa que tamén merecedes un descanso no medio de toda esta situación que sei a algunhas e algúns vos está abafando. De feito, o que vos propoño é algo puramente lúdico que vos axudará a coñecer algo máis sobre Carvalho Calero (recórdovos que é o autor homenaxeado nas Letras Galegas):

Trátase dun escape room ao que accederedes mediante este enlace: https://view.genial.ly/5ea84324637c610dbf867ff2/game-breakout-letras-galegas-2020?fbclid=IwAR3Dt84FalOZv-jz_lrAic2K_QOFIZ9d8vDt8J5EcK1eEbNG42aDEfhqrZE

Teredes que conseguir pasar de pantalla e ir anotando os números que obteñades ao superar cada proba, para así ter a clave final que vos permitirá chegar a catro das obras deste autor.
Fixádevos ben, na esquina inferior dereita aparecen tres puntiños que permiten poñer o xogo a pantalla completa. Dedicádelle tempo e atención.

Para comprobar que o fixestes e que conseguistes extraer a información máis relevante, teredes que entregarme por correo unha pequena reflexión que inclúa os puntos que se indican a continuación:
-       As catro obras ás que chegastes ao final do xogo
-       Os catro datos que máis vos chamaron a atención sobre o autor (ben sexa relacionado coa súa biografía, ben coa súa formación ou coa súa obra)
-       A vosa opinión persoal sobre a actividade

DATA LÍMITE DE ENTREGA: MÉRCORES 20 DE MAIO (xoves e venres son festivos), xa sabedes que non acepto nada que se entregue fóra de prazo.

Unicamente tedes que facer unha actividade, así que non hai escusas de ningún tipo para facela mal ou para non entregala a tempo.  

Un saúdo e unha aperta,
Tamara

Comentarios

  1. Anónimo18 de mayo de 2020, 2:20

    Ola Tamara, hai que facelo a ordenador non?

    ResponderEliminar
    Respuestas
    1. Anónimo18 de mayo de 2020, 2:20

      Son Carme

      Eliminar
    2. Tamara18 de mayo de 2020, 7:43

      Ola Carme, neste caso dáme igual que o fagades a ordenador ou á man. Non o vou corrixir como unha redacción, só vou ter en conta que o fixésedes e que conseguísedes obter información do escape room.

      Eliminar

Publicar un comentario

Entradas populares de este blog

Semana 7

Ola a todas/os, Déixovos aquí o traballo para esta semana: 1.      Esta semana imos comezar un novo apartado da materia, que ten que ver co xénero lírico. Lémbrovos que xa vimos detalladamente todos os elementos da narrativa e agora tócanos traballar coa poesía. Para isto, o primeiro e fundamental é que escoitedes ben este podcast que gravei para vós, coa explicación de todo o que aparece nas páxinas 126 e 127 . Déixovos o enlace e se alguén non pode escoitalo porque non lle funciona o enlace, que me escriba por correo: https://drive.google.com/file/d/13WICtaBd9v3Grz3eSoaKankWEZEXe5Ea/view?usp=sharing   Repito: é moi importante que o escoitedes , tomádeo como se se tratase dunha clase por videoconferencia (como explico no podcast, non estou facendo isto, polo menos de momento, porque hai persoas que non teñen a opción de conectarse e quero que todo o mundo poida ter acceso a toda a información). Unha vez escoitastes iso, facede os exercicios 3, 5, 6, 7 e 10 das pá
Leer más

Semana 8

Imagen
Ola a todas/os, Déixovos aquí o traballo para esta semana: 1.      Ao principio da corentena, mandeivos facer uns exercicios sobre os pronomes (das páxinas 122-123, as actividades 1, 2, 6 e 9 ). Non vos deixara as solucións porque confiaba en volver á clase e podermos corrixilos alí pero en vista de que isto non vai ser posible, déixovos nesta entrada o solucionario (están todos os exercicios das páxinas, tedes que buscar unicamente as solucións dos catro exercicios que vos pedín). Se alguén non os ten feitos, que os faga antes de corrixilos. Este é o enlace: https://drive.google.com/file/d/1MQJI7QA9ezWAq8-Hb2kL7q5W82qTvc2x/view?usp=sharing Deberedes mandarme fotos destes exercicios feitos no caderno e corrixidos. 2.      Seguimos coas correccións. Agora toca corrixir tamén os exercicios da semana pasada sobre o xénero lírico (recordo: 3, 5, 6, 7 e 10 das páxinas 126-127 ). Tamén me teredes que mandar unha foto na que se vexa que corrixistes os exercicios. Déixovos
Leer más

Última semana

Ola a todas/os, Agora si que chegamos ao remate do curso. Esta é xa a última semana e por iso unicamente vos vou pedir que cubrades a enquisa que vos deixo no enlace, para que valoredes o que vos pareceu este curso comigo. Faise en cinco minutos. Podedes cubrila a ordenador e enviarme ese documento ou imprimila e cubrila á man e mandarme unha foto. Este é o enlace: https://drive.google.com/file/d/1gy1avhNkClhRouv29TDlQSF1L1CyHn98/view?usp=sharing OLLO: A DATA LÍMITE DE ENTREGA É O XOVES 18 DE XUÑO . Ademais disto, chegou o momento de despedirnos. Dáme moitísima pena non poder facelo en persoa pero, para intentar que sexa un pouco máis de verdade, propóñovos que fagamos unha pequena videochamada a semana que vén. Para os de 1ºA xa temos posta a titoría o luns ás 20:30h, coma sempre. Para os de 1ºB e 1ºC farei unha videochamada conxunta e mandarei unha notificación por Abalar para informarvos do día e a hora. Loxicamente, non é obrigatorio asistir, pero estarei espe
Leer más